Естонија може да испрати војници во Украина како дел од потенцијална мировна мисија предводена од Велика Британија и Франција, изјави денес естонскиот премиер Кристијан Михал.
Тој рече дека разговорите за испраќање мировна мисија во Украина сè уште се во тек и дека естонскиот парламент ќе мора да одобри испраќање естонски војници, објави Блумберг.
Велика Британија и Франција ги предводат напорите за формирање „безбедносни сили“ по војната во Украина, како дел од напорите на САД за ставање крај на руската инвазија.