Европската унија подготвува нов план за распоредување на барателите на азил низ земјите членки на ЕУ.
Естонија, која претседава со Европскиот совет, соопшти дека нејзиниот предлог претставува компромис меѓу државите кои се преплавени со мигранти, како Италија и источноевропските држави кои одбиваат да примат мигранти.
Според планот на Естонија, ќе се определат квоти на мигранти кои секоја држава може да ги прими врз основа на бројот на нејзиното население и економската моќ, а доколку во некоја земја како Италија или Грција оваа бројка ја надмине квотата, тогаш се воведува систем за рано предупредување.