улкан на еден од островите во архипелагот Галапагос еруптира за првпат по 33 години, заканувајќи се за екосистемот, што го инспирирал Чарлс Дарвин за формирање на теоријата на еволуција.
Администрацијата на еквадорскиот Национален парк Галапагос соопшти дека 1,7 километри високиот вулкан Волф почнал утринава да исфрла оган, чад и лава.
Вулканот се наоѓа на северниот дел на островот Изабела, најголемиот во архипелагот и е далеку од единственото населено место Пуерто Виљамил, кој се наоѓа 115 километри јужно. Според локалните власти туристичките работи не се загрозени поради ерупцијата.
Лавата која се движи во правец на југозапад засега не претставува опасност по единствената популација во светот на розови игуани, кои живеат во северозападниот дел на островот.