Ерменските власти никогаш не разговарале за можноста за влез во НАТО, но ги зајакнуваат односите со ЕУ, изјави денеска претседателот на ерменскиот парламент Ален Симонјан.
„Немаше дискусија за НАТО, не разговаравме за тоа во нашиот тим. Што се однесува до Европската Унија, таа не е воен сојуз, ние сме подготвени да ги зајакнеме односите со неа. Денес демократијата е нашиот најголем безбедносен систем“, истакна Симонјан.
Тој нагласи дека Ерменија се обидува да „купи оружје на сите можни места“, пренесува ТАСС.
„Ако некој се срами од тоа, тоа е негов проблем“, заклучи Симонјан.