Турскиот претседател Реџеп Тајип Ердоган изјави дека ќе поднесе резолуција до Генералното собрание на ОН со која што ќе ги повика САД да ја повлечат својата одлука за признавање на Ерусалим за главен град на Израел.
Таква резолуција вчера поднесе Египет до Советот за безбедност на ОН, но САД стави вето на резолуцијата, иако останатите четиринаесет земји-членки ја поддржаа.
– Сега со Божјата волја, ние ќе поднесеме резолуцијата во Генералното собрание на ОН, изјави Ердоган на заедничката прес-конференција со претседателот на Џибути Исмаил Омар Геле.
– Поддршка од две третини во Генералното собрание во реалноста ќе значи отфрлање на одлуката на Советот за безбедност, додаде Ердоган.