Турција го отвора граничниот премин Јајладаги со Сирија поради безбедното доброволно враќање на милиони сириски мигранти во нивната татковина по падот на режимот на претседателот Башар ал Асад, изјави денеска турскиот претседател Реџеп Таип Ердоган.
Ердоган по состанокот на турската влада изјави дека преминот се отвора за да се спречи метеж и да се олесни сообраќајот, пренесе Ројтерс.
Преминот Јајладаги на границата со северозападна Сирија е затворен од 2013 година поради борби во близина на границата.