Турскиот претседател Реџеп Таип Ердоган изјави дека неговата земја ќе преземе чекори за да овозможи средба меѓу Володимир Зеленски и Владимир Путин.
Како што пренесе Би-Би-Си, Ердоган изразил надеж дека двајцата лидери ќе се согласат да се сретнат „во Истанбул или Анкара“, а би им се придружил и американскиот претседател Доналд Трамп.
– Доколку прифатат, би сакал да се состанам со нив на оваа средба и со тоа да го претвориме Истанбул во центар на мирот, рече тој. „Ќе преземеме чекори кон тоа по оваа последна средба.“
Русија и Украина разговараа за потенцијална средба меѓу нивните лидери за време на денешните мировни преговори во Турција.
