Турскиот претседател Реџеп Таип Ердоган во понеделник му рече на американскиот претседател Доналд Трамп дека го поздравува продолжувањето на прекинот на огнот меѓу САД и Иран и изрази верување дека спорните прашања меѓу двете страни можат да се решат, соопшти кабинетот на Ердоган.
– За време на телефонскиот разговор, Ердоган рече дека ја смета одлуката за продолжување на прекинот на огнот во зоната на конфликт во нашиот регион за позитивен чекор, изразувајќи верување дека е можно разумно решение за спорните прашања, според соопштението од кабинетот на турскиот претседател, пренесе Ројтерс.
Ердоган наводно оценил дека воспоставувањето стабилност во Сирија „е значаен напредок за регионот“ и апелирал да се преземат сите мерки за да се спречи влошување на ситуацијата во Либан и продолжување на борбите меѓу Израел и либанската милитантна група Хезболах.
Трамп претходно изјави дека преговорите со Иран се „во завршна фаза“, но исто така предупреди за можни нови напади доколку Техеран не се согласи на мировен договор.
