Авиокомпанијата Ер Молдавија објави дека од 1 октомври повторно ќе воведе летови за Москва. Фирмата информира дека одлуката била донесена поради „безбројните барања на граѓаните на Молдавија кои се во Руската Федерација и сакаат да се вратат дома“.
„Наш приоритет е безбедноста и удобноста на летовите, затоа Ер Молдавија постојано работи на исполнување на потребите и барањата на своите патници“, се вели во соопштението.
Ер Молдавија ги прекина летовите за Русија во февруари. Молдавија, која граничи со Украина, го затвори својот воздушен простор веднаш по руската инвазија, но делумно повторно го отвори следниот месец.
Извор: МИА