58 авионски линии на кратки и средни летови кои ги изведува француската авиокомпанија Ер Франс ќе добијат нови цени со цел команијата да остане конкурентна во споредба со евтините или „лоу кост“ компании.
Повикувајќи се на извори од компанијата, франсуските медиуми пренесуваат дека новите цени би требало да се спроведуваат од феврури годинава, откако компанијата во текот на 2011 година забележа загуба од 700 милиони евра на своите летови на кратки и средни дестинации.
Патниците ќе имаат можност да избираат на одредени летови меѓу два видови на билети класичните економски или пак минимални економични билети 20 евра поевтини. И Во двата случаи е предвидена услуга со малку храна и пијалок, но затоа пак за втората категорија минимална економична, багажот ќе се наплаќа 15 евра.
Според најавите новите тарифи ќе важат за летовите во Франција и во Европа со поаѓање од Орли, Марсеј, Тулуз и Ница. Ова значи дека за 49 евра со вклучени аеродромски такси ќе може да се лета за Берлин, Прага или Монтпелие. За 79 евра ќе има летови Марсеј-Маракеш или за Москва и Тел-Авив за 149 евра.