Европскиот парламент оваа недела на заседанието во Стразбур ќе го разгледа прашањето за излезот на Велика Британија од ЕУ.
Дебатата е предвидена за в среда, кога ќе биде усвоена резолуција со главните позиции и цели на ЕП во преговарачкиот процес со Лондон.
ЕП ќе ја нагласи неопходноста од обезбедување еднакви права за граѓаните на ЕУ, кои живеат во Велика Британија и за британските државјани кои живеат во Европа. Европарламентот ќе наведе дека Велика Британија останува во ЕУ до официјалното напуштање, со права и обврски, вклучувајќи и финансиски.
Во предлог-резолуцијата се истакнува дека е потребно да не се дозволи компромис меѓу безбедноста и идните економски односи меѓу ЕУ и Лондон. Европратениците се против економски односи.
Европратениците утре ќе разгледаат преземање на итни мерки за справување со миграцискиот бран. Тие настојуваат за спречување на смртните случаи на мигранти во Средоземно Море.