Комитетот за надворешни работи на Европскиот парламент денеска ги избра трите финални предлози за овогодинешната награда „Сахаров“.
Станува збор за група 11 невладини организации за спасување мигранти во Средоземното Море, предложени од „Зелените“, украинскиот филмски режисер Олег Сенцов, осуден на 20 години затвор откако се спротистави на Москва по анексијата на Крим, предложен од групата на Европската народна партија и Насер Зефзари од Мароко, водач на движењето против корупцијата и злоупотребата на власта. Зефзари е осуден на 20 години затвор за заговор против државната безбедност и е предлог на групата на Европската обединета левица.
Европскиот парламент ќе го одбере победникот на 25 октомври, а наградата ќе биде врачена во Стразбур на 12 декември.