ЕМА не ја одобри за употреба вакцината „Спутник“, Русите задоцниле со испраќање податоци

Од:

Европската агенција за лекови (ЕМА) ќе го одложи одобрувањето на руската вакцина против коронавирусот „Спутник В“, откако Русите го пропуштиле рокот за поднесување на податоци, кој истекол на 10 јуни, јави Ројтерс повикувајќи се на свои извори во ЕМА.

Агенцијата инаку составила позитивен извештај за ефективноста и безбедноста на вакцината, кој се темели на клинички истражувања.

Еден од изворите на Ројтерс, кој е функционер во германската влада, рекол дека неподнесувањето на потребните податоци до европскиот регулатор ќе значи дека ЕМА нема да ја одобри вакцината најмалку до септември.

„Одобрувањето на „Спутник“ ќе се одложи веројатно до септември, а можеби и до крајот на годината,“ изјавил изворот, кој барал да остане анонимен.

Претходно се очекуваше ЕМА да ја заврши својата оценка за вакцината и да ја одобри до крајот на мај или во јуни.

Рускиот фонд за директни инвестиции (РДИФ), кој ја дистрибуира вакцината низ светот, соопшти дека ЕМА дала позитивен извештај за нивниот препарат, како и дека податоците со кои ЕМА го правда одложувањето на одобрувањето „не кореспондираат со реалноста“.

„Сите информации за клиничките испитувања на вакцината „Спутник В“ се доставени и комплетирана е ГЦП рецензија, а одговорот од Европската агенција за лекови беше позитивен“, велат од РДИФ.

Би можело да ве интересира

Во Грција на факултет само со сертификат за вакцина или негативен тест на сопствен трошок

Комисија на ФДА препорача трета доза вакцина за постари лица и изложени на ризик

Мери Јордановска

МЗ: Во средата и во текот на вчерашниот ден, аплицирани се вкупно 22.581 вакцини

А1он

Владата на Зимбабве им порача на државните службеници: Нема вакцина, нема плата

А1он

Аризона ја тужи федералната влада поради обврзната вакцинација

А1он

Русија ги одобри за користење вакцините Спутник произведени во Србија

А1он