Eквадорскиот претседател Рафаел Кореа изнесе на Твитер идеја во таа држава да се одржи референдум за укинување на печатените весници, како мерка за заштита на природната средина. Според него, дигиталните медиуми не трошат хартија, односно со нив не се уништуваат шуми.
Кореа тој предлог го изнесе по критики во опозициски печатени медиуми заради давање зелено светло за истражување нафта во национален парк.
Диего Корнехо, директор на еквадорското здружение на издавачи на весници смета дека е рано да се зборува за тоа дали Кореа бил сериозен во намерата.