Еквадор побара од Интерпол да се погрижи за апсење и екстрадирање на Педро Делгадо, братучед на еквадорскиот претседател Рафаел Кореа.
Според медиумите, обвинителството го обвинува Делгадо дека користел фалсификуван документ откако признал дека излажал оти има завршено економски факултет. Со вакво обвинение тој може да биде осуден на девет години затвор.
Информациите во медиумите за фалсификуван степен на образование, го принудија Делгадо да се повлече од функцијата гувернер на централната банка. Се претпоставува дека тој моментно живее во САД.
Делгадо призна за измамата, изјавувајќи дека тоа е огромна грешка, направена пред 20 години.