Најмалку девет лица се повредени денес во експлозија на граната во центарот на Министерството за внатрешни работи во Сиктивкар во руската Република Коми, од кои четворица се сериозно, соопшти локалното министерство за здравство.
Во соопштението се вели дека девет лица повредени во експлозијата на рачна граната во Сиктивкар се однесени во болници, објави РИА Новости.
Најмалку 200 лица се евакуирани од зградата по експлозијата.
Службите за итни случаи се на лице место, пожарот е локализиран и е отворена кривична постапка за небрежност.