Експлозии одекнуваат низ Киев, главниот град нападнат со дронови – ништо од примирјето

Од:

Русија рано утринава изврши напад со беспилотни летала врз Киев, објави градоначалникот на украинската престолнина Виталиј Кличко.

Британскиот весник „Индипендент“ наведува дека воздушните напади следеле само неколку часа откако рускиот претседател Владимир Путин предложил обновување на директните преговори со Украина.

Агенцијата ја пренесува изјавата на Кличко дека украинските единици за воздушна одбрана се обидуваат да го одбијат рускиот напад.

Агенцијата објави изјави на очевидци за експлозиите во Киев, за кои се верува дека се предизвикани од системи за противвоздушна одбрана.

Се вели дека нападот се случил откако Украина, европските лидери и американскиот претседател Доналд Трамп претходно се договорија за безусловен прекин на огнот меѓу украинската и руската страна на 30 дена.

Се потсетува дека Путин тогаш предложи одржување директни разговори „без предуслови“ на 15 мај во најголемиот турски град Истанбул.

Лидерите на Велика Британија, Франција, Германија, Полска и Украина вчера по состанокот во Киев објавија план за 30-дневен прекин на огнот во Украина.

Индипендент потсетува дека му се заканиле на Путин со нови „огромни санкции“ доколку не ги почитува.

По средбата европските лидери имаа заеднички телефонски разговор со Трамп.

Портпаролот на Кремљ – Дмитриј Песков накратко го коментираше овој ултиматум.

– Мора да размислиме за тоа. Ова се нови случувања. Ние имаме свој став – изјави портпаролот на Путин.

Би можело да ве интересира

(ВИДЕО) Собјанин: Зграда во Москва е оштетена во напад со украински дрон

Три лица се повредени во Украина во напад на руски дронови

Тревога во Москва: Воздушната одбрана уништи пет украински беспилотни летала

Горан Наумовски

Киев e под опсада на руски беспилотни летала, има загинати

А1он

Нов напад со нож во Германија: Дванаесет повредени во напад на железничка станица

Горан Наумовски

Два напади со нож меѓу деца денес во Германија