Кога Америка и Израел влегоа во војна на 28 февруари, се очекуваше Иран да го блокира бродскиот сообраќај во Ормутскиот теснец. Малкумина можеа да предвидат дека, помалку од два месеци подоцна, Доналд Трамп ќе воведе сопствена блокада, насочена кон сообраќајот кон и од иранските пристаништа и крајбрежните области, пишува „Економист“.
Блокадата стапи на сила на 13 април. Трамп се надева дека економското задушување би можело да го принуди Иран да го отвори теснецот каде што бомбардирањето не успеа. Тоа е опасен ризик што би можел да ја влоши глобалната енергетска криза и да доведе до нова ескалација, заклучува тој.
Американското образложение е едноставно. Иранските закани драстично го намалија сообраќајот на танкери низ Хормуз. Но, Иран продолжи да извезува сопствена нафта, иако во намалени количини. Исто така, дозволи некои бродови да поминат за одредена цена; два големи кинески државни танкери што носеа ирачка и саудиска нафта поминаа низ теснецот на 11 април, како и еден танкер со либериско знаме.
Пораката на Трамп е дека ако неутралниот товар не може да помине непречено, ниту иранскиот товар не може.
Воениот аспект на планот е „апсолутно изводлив“, вели Марк Монтгомери, пензиониран контраадмирал.
САД можат релативно лесно да запленат бродови; запленија десет танкери поврзани со Венецуела помеѓу декември и февруари.
„Не мора да запленувате секој брод“, додава тој. „Само доволно бродови за да испратите порака“.