До крајот на септември Европската комисија ќе предложи промени во Шенгенскиот кодекс, соопшти денеска претставник на ЕК.
– Промените се со цел да ги пополнат празнините од досегашната легислатива. Овие промени ја одразуваат новата состојба поврзана со безбедноста во ЕУ. Кога предлозите ќе бидат одобрени и ќе стапат во сила зависи од Советот на ЕУ и Европскиот Парламент, рече портпаролот на Комисијата.
Претседателот на Еврокомисијата, Жан Клод Јункер оваа недела во обраќањето „за состојбата на Унијата“, повика на итен прием на Бугарија и Романија во Шенген зоната.