Египетскиот претседател Абдел Фатах ал-Сиси и претседателот на Русија, Владимир Путин денеска потпишаа договор за изградба на нуклеарна електрана во египетскиот град Даба во вредност од 21 милијарди долари.
– Нуклеарната електрана во Даба, со четири реактори и капацитет од пет гигавати, би требало да биде завршена до 2029 година, а вкупните трошоци за изградба ќе изнесуваат 21 милијарди долари, изјави директорот на руската државна компанија „Росатом“, Алексеј Лихачјов.
Претставници на двете држави уште во 2015 година го договорија овој проект и кредит од Русија со кој што ќе се покријат 85 отсто од трошоците.