Една жена загина во вчерашниот силен земјотрес со интензитет од 6,8 степени според Рихтеровата скала што го погоди централниот дел на Чиле.
Жената добила инфаркт за време на земјотресот и починала, соопштија чилеанските власти.
Земјотресот предизвика помала материјална штета, а нема информации за други жртви.
Епицентарот на земјотресот бил на длабочина од 45,7 километри, 101 километар југозападно од рударскиот град Капиапо и на 585 километри од Сантјаго.
Чилеанските власти соопштија дека нема опасност од појава на цунами.
Пред три години земјотрес од 8,8 степени и цунами ги опустошија централните и јужните реони на Чиле, при што загинаа повеќе од 500 луѓе.