Поранешниот американски претседател Џозеф Бајден и неговата сопруга Џил денес им се заблагодарија на сите што им покажаа љубов и поддршка откако беше објавено дека на поранешниот шеф на државата му е дијагностициран рак на простата.
„Ракот нè допира сите. Како и многумина од вас, Џил и јас откривме дека сме најсилни во најтешките моменти. Ви благодариме што нè бодрите со вашата љубов и поддршка“, напиша двојката во објава на профилот на Бајден на социјалните мрежи.
Кабинетот на Бајден вчера објави дека му е дијагностицирана агресивна форма на рак на простата, додавајќи дека ракот се проширил на неговите коски.