Затворањето на државните граници за луѓето, кои доаѓаат од земјите погодени од ебола не е ефикасна стратегија за стопирање на ширењето на болеста, изјави претседателот на Светската банка, Џим Јонг Ким.
– Има само еден начин за стопирање на кризата со еболата, а тоа е да се запре нејзиното ширење во трите најзасегнати земји, Либерија, Сиера Леоне и Гвинеја, истакна тој на Самитот за климатски промени, организиран од Ројтерс, јави БТА.
– Сите тие планови за затворање на границите е налик да си во куќа, која гори и да почнеш да ставаш мокри крпи под вратата, за да не дозволиш да влезе чад. Тоа не е ефикасна стратегија. Потребно е да се изгасне пожарот, рече Ким.