Сенаторот од Охајо и кандидат на Доналд Трамп за потпретседател на САД од Републиканската партија, Џеј Д. Венс денеска повика на преговори со Русија.
Во интервју за NBC News, на прашањето дали го гледа Путин како сојузник или непријател, тој рече:
„Мислам дека тој е очигледен противник. Тој е конкурент. Мислам дека треба да бидеме паметни и за дипломатијата. Само затоа што не ни се допаѓа некого, тоа не значи дека не можеме да разговараме со него ако ни треба“ изјави Ди Венс.
Венс нагласи дека преговорите со Русија се составен дел од завршувањето на војната во Украина.
„Мислам дека е важно ако некогаш ја завршиме војната во Украина, суштински, на одредено ниво, ќе мора да учествуваме во одредени преговори меѓу Украина, меѓу Русија, меѓу нашите НАТО сојузници во Европа. Тоа е неопходен дел – истакна Венс.