Две монахињи останале заробени во лифт на еден манастир во Рим целиот викенд молејќи се, пишува во понеделникот La Repubblica.
Двете чесни сестри, 58-годишна Ирка и десет години повозрасна Новозеланѓанка, се заглавиле во петокот во лифтот и не биле извлечени до понеделникот, кога чистачката во манастирот повикала полиција откако ги слушнала нивните повици за помош.
Целиот викенд во зградата на манастирот немало никого. Монахињите во лифтот биле без храна и вода. Пренесени се во болницата „Сан Кaрло ди Нанси“ поради дехидрација.
Лифтот застанал меѓу катовите поради електрична грешка. За италијанските медиуми изјавиле дека времето го минале во молитви.