Градоначалникот на Балтимор, Брендон Скот ќе повика на летен полициски час за оние помлади од 17 години, откако двајца тинејџери беа застрелани и ранети додека полицијата се обиде да разбие голема група малолетници кои се борае во неделата навечер.
Две момчиња, на возраст од 14 и 16, се ранети додека полицијата се обидела да раздвои две големи групи од повеќе од 200 тинејџери кои се собрале во областа Интер Сити Харбор околу 21 часот, објави ТВ ВАЛ.
Едно од застреланите момчиња е во критична состојба, додека другото е стабилно, соопшти телевизијата. Уапсени се двајца осомничени, соопшти полицијата. И двајцата имаа наполнети пиштоли и се верува дека еден од нив одговара на описот на напаѓачот.
По пукањето, Скот рече дека има намера да воведе полициски час за сите помлади од 14 години, кој ќе започне во 21 часот, додека за оние помлади од 17 години, полицискиот час може да започне во 22 часот во наредните месеци.
„Сакам сите јасно да ме слушнат. Ќе се вратиме на стариот начин. Ќе воведеме полициски час за младите на крајот на пролетта и во текот на летото. Премногу често гледам мали деца надвор од куќата навечер. Тоа е не само за тоа дали ќе ги сретнеме на улица, туку дали задржуваме и се трудиме да разбереме што се случува со нивните семејства. Не е нормално детето да е далеку од дома и никој да не знае каде е или да се грижи за него“, рече Скот, според АП.