Две лица се притворени од париската полиција во рамки на истрагата која се води за убиството на трите курдски активистки во Курдскиот институт во Париз, пренесува дописникот на МИА од Париз.
Станува збор за двајца Курди на возраст од 39 и 30 години од парискиот регион. Истражните органи откриле дека изјавите на едниот од нив, кој послужил како возач на една од жртвите, не се совпаѓаат целосно.
Тројното убиство, според претставниците на курдската заедница, е поврзано со репризата на преговорите меѓу турските власти и ПКК.
Една од убиените активистки Сакине Цасиз беше меѓу основачите на ПКК.