Најмалку осум членови на авганистанските сили за безбедност се убиени од страна на двајца свои колеги во јужната провинција Забул, пренесоа американските медиуми, повикувајќи се на изјава на портпаролот на гувернерот на покраината.
По нападот против своите, извршен доцна синоќа, двајцата избегале, земајќи го со себе и сето оружје и муниција, како и возилото од локалната полициска станица во регион Шинхај.
Во моментов во тек е истрага со која треба да се разјаснат причините за инцидентот и да се утврди дали двајцата напаѓачи се поврзани со талибанците или со други бунтовнички групи.
Според член на локалниот провинциски совет, цитиран од ДПА, двајцата веќе се наоѓаат кај талибанците и се чини дека и претходно имале врска со нив.