Двајца ерменски војници се убиени во судир со силите на соседен Азербејџан.
Според западни медиуми, властите во Ереван го обвинија политичкото и воено раководство на Азербејџан дека се одговорни за ескалација на насилствата во реонот на Нагорно Карабах.
Азербејџанското Министерство за одбрана ги отфрли обвинувањата, тврдејќи дека ерменските војници први отвориле оган во обид да преминат граница, и оти се убиени 12, а ранети 20 лица, додека во нивните редови нема жртви.
Спорадични судири има во регионот на Нагорно Карабах, каде спорат двете држави, а од избивањето на судирите по распадот на СССР, во борбите досега загинаа околу 30.000 луѓе.