Американскиот институт за геолошки истражувања, соопшти дека вчера се регистирани два земјотреси на јапонскиот источен брег, во близина на Фукушима.
Епицентарот на првиот потрес, со јачина од 5,7 степени според Рихтеровата скала бил на околу 90 километри од брегот на јапонскиот најголем остров Хоншуа, а на длабочина од 22 километри.
Другиот потрес чија што јачина изнесувала 5,6 степени според Рихтеровата скала, а се случил два часа подоцна, бил на длабочина од 39 километри, пренесе „Франс прес“.
Ова подрачје во 2011 година го зафати катастрофален земјотрес, кој предизвика цунами со разорна моќ, при што загинаа најмалку 18.000 лица.
Е. Г.