Авиони на француското Воено воздухопловсто ќе продолжат со извршување напади врз позициите на џихадистичката група Исламска држава (ИД) во Сирија, изјави францускиот министер за одбрана Жан-Ив ле Дријан.
– Ќе предстојат и други напади, ќе предстојат и други акции за да се заштитиме и да го прекинеме функционирањето на камповите за тренинг каде се обучуваат странските борци, кои потоа се подготвени да се вратат во Франција и Европа, изјави Дријан.
Францускиот претседател Франсоа Оланд вчера соопшти дека француски авиони уништиле камп на ИД во близина на сирискиот град Деир ал Зур, најавувајќи дека во следните недели се можни и нови воздушни напади на Военото воздухопловство на Франција во Сирија.