Дваесет и пет лица се повредени откако течност што содржи фосген истече од хемиски парк во Дормаген, во германската покраина Северна Рајна-Вестфалија.
Тие мораа да бидат лекувани во болници, а полицијата ја истражува причината за инцидентот, објави „Дер Шпигел“.
– Тие првично беа лекувани на местото на настанот, а потоа однесени во болници за понатамошно лекување, соопшти раководството на хемискиот парк.
Според компанијата, истекла течност што содржи токсичен фосген.
Тежината на повредите сè уште не е позната, соопшти противпожарната служба во Келн, и сè уште не е познато дали вработените ја вдишале опасната супстанца, изјави портпаролката на хемискиот парк.
„Во непосредната област на инцидентот, сите вработени носат етикети за предупредување за фосген што укажуваат на можна контаминација со овој гас. Алармните системи реагираа“, рече таа.