Шпанската полиција го пренасочи летот од Манчестер до Канарските острови поради насилни патници во авионот.
Летот на Easyjet EZI34TV го напушти Манчестер нешто по 7 часот во петокот и требаше да слета во 12.35 часот во Тенерифе. Шпанските контролори на летање соопштија дека полицијата била повикана да го пречека авионот поради „можен напад“.
„Екипажот на летот не извести дека во авионот има осум насилни патници“, соопштија од контролата на летање.
Откако авионот слетал на аеродромот, полицијата привела четворица патници кои се сомничат дека за малку ќе предизвикале тепачка во авионот. Затоа екипажот на авионот ја алармирал контролата на летот за да се посоветува што да прават поради споменатата ситуација.
Четворицата приведени соработувале со полицијата на аеродромот.
Доколку треба да платат отштета, се соочуваат со казна до 40.000 евра.
Портпаролот на авиокомпанијата „Изиџет“ објави дека патниците еден час подоцна го продолжиле патувањето кон Тенерифе.
Безбедноста на нашите патници е наш прв приоритет“, се вели во соопштението.