Четири неидентификувани проектили погодија два брода на четири наутички милји западно од Хасаб, Оман, соопшти денеска Агенцијата за поморски трговски операции на Обединетото Кралство.
Според британската поморска организација, по ударот избувнал пожар на еден од бродовите, додека состојбата на вториот брод останува непозната, пренесе Ројтерс.
Капетанот на вториот брод пријавил дека видел како проектили погодуваат два брода на приближно шест наутички милји северно од неговата позиција, се наведува во соопштението.
Засега нема дополнителни детали за инцидентот.
