Германскиот телекомуникациски гигант „Дојче Телеком“ соопшти дека не разменува никакви податоци за телефонски или интернет комуникации со странски тајни служби.
– Немаме соработка со странски тајни служби. Бидете сигурни дека „Дојче Телеком“ не учествува во програните за електронска шпионажа „Призма“ и „Темпора“, изјави првиот човек на компанијата Рене Оберман за радиото „Дојчландфунк“.
Оберман призна дека компанијата соработува со германските тајни служби околу размена на информации, но нагласи дека тоа го парви во рамките на постоечкото закнодавство.
– Штом има соодветна правна основа, можеме и должни сме да соработуваме. Но, само со почитување на правото и законите, рече Оберман.