До крајот на годината во Германија би можеле да пристигнат до 750.000 азиланти, што е значително повеќе од досегашните проценки на Владата во Берлин, пишува германскиот весник „Ханделсблат“.
Владата, имено, проценуваше дека околу 450.000 бегалци до крајот на годината би можеле да побараа азилантски статус и покрив над глава во Германија.
Весникот наведува дека само во Хамбург во првиот квартал годинава околу 6.700 луѓе побарале заштита, а дека само во јули 5.700 бегалци поднеле барање за азил.
Во покраината Баден-Виртемберг во јули 7.065 лица побарале азил, што е двојно повеќе отколку во мај, наведува весникот.
– Тука би морале секој ден да градиме еден солитер, за да можеме сите да ги примиме, рече покраинскиот министер за интеграции Билкај Енер за „Ханделсблат“.