Финското Министерство за одбрана соопшти денеска дека е воспоставен директна телефонска врска меѓу администрациите од секторот одбрана на Финска и соседна Русија. Целта е да се подобри меѓусебната размена на информации поврзани со несреќи и други вонредни ситуации во регионот.
Финското Министерство наведе дека „жешката линија“ меѓу Хелсинки и Москва на англиски јазик е отворена на 1 ноември и ќе биде оперативна 24 часа дневно.