Олаф Шолц рече дека потенцијалната програма за обука на украински пилоти на борбени авиони Ф16 е порака до Русија дека не очекува да успее во инвазија
Како што изјави, нема да успее ниту во случај на продолжен конфликт.
Официјален Киев не добил потврда за испорака на американски борбени авиони, но американскиот претседател Џозеф Бајден и други високи американски функционери во петокот им потврдиле на лидерите на Г7 дека Вашингтон ги поддржува заедничките сојузнички програми за обука на украинските пилоти Ф16, пренесува Ројтерс.
Прашањето за обука на украински пилоти и испорака на авиони Ф16 на официјален Киев е деликатен предизвик за земјите од Г7, кои и помагаат на Украина од почетокот на конфликтот, внимавајќи да не го провоцираат прекумерно Кремљ.
Рускиот заменик-министер за надворешни работи Александар Грушко изјави во саботата дека западните земји се изложуваат на „колосален ризик“ доколку испорачаат американски борбени авиони Ф16 на Украина, јави претходно ТАСС.