Министерството за надворешни работи на Јужна Кореја денеска издаде соопштение во кое Јапонија се обвинува за подгревање на атмосферата околу спорот за припадноста на островската група Докдо, што се наоѓа меѓу двете држави, а кои Сеул ги смета за своја територија.
Островите Јапонија унилатерално ги прикључи кон својата држава во 1905 година, а Кореја беше јапонска колонија од 1910 до 1945 година. Во 1954 година Јужна Кореја постави своја воена база на островите и од тогаш започна спорот со Јапонија.
Сеул обвинува дека сегашните власти во Токио ги поттикнуваат протестите против Јужна Кореја што често се оддржуваат во Токио, а на кој учествуваат и високи државни службеници.