Пратеникот на Обединетите нации и Арапската лига за Сирија, Лахдар Брахими, сака да поднесе оставка изјавија дипломатски претставници на светската организација.
Според нив оставката на Брахими се должи на неговиот став дека Арапската лига подржувајќи ја опозицијата на Сирија оди по погрешен пат, поради што неговата функција посредник во политичкат атранзиција во Сирија е речиси невозможна.
Неименуваните извори истакнаа дека на Брахими му е доста од поделбите во Советот за безбедност на ОН, кои според него всушност го попречија дејствувањето во Сирија.
Брахими во понеделник имаше средба со државниот секретар на САД Џон Кери, по што портпаролот на Стејт департментот рече дека Вашингтон ќе продолжи да ја поддржува неговата работа.
Тој на оваа функција е од минатото лето, кога го замени поранешниот генерален секретар Кофи Анан.
Елена Георгиевска