Чешката полиција соопшти дека поплавите во земјата ја oднесоа и деветтата жртва, јави дописникот на МИА од Прага.
Во јужниот дел на земјата, кај браната Хербертов при рафтинг (спуштање по брзаци со напумпана гума), едно момче се удавило, а едно се наоѓа во животна опасност.
Полицискиот комесар Мартин Червичек коментирајќи дека љубителите на водните спортови непотребно ризикуваат, упати апел луѓето да не се коцкаат со своите животи и да не се изложуваат на опасности сурфајќи и пловејќи по надојдените води.