Десетици илјади лица протестираа во Кабул против пренасочување на важен далновод, јави ДПА.
Демонстрантите бараат да бидат почитувани првичните планови од 2013 година и далноводот, кој треба да пренесува електрична енергија од Узбекистан, Таџикистан и Туркменистан да минува низ провинцијата Бамиа.
Претходно Владата одлучи да го пренасочи, а информацијата за промената сепак се појави пред околу три недели и оттогаш неадоволството во провинцијата се повеќе се зголемува.
Учесниците во денешните протести, од кои повеќето се од најголемото авганистанско етничко малцинство Хазарејци и многумина од нив пристигнаа од Бамиа, беа спречени на патот кон претседателската палата.
Некои од нив се качија на зградата на министерство, кое се наоѓа во близина на палатата, а полицијата отвори предупредувачки оган, што предизвика паника, при што беа ранети неколку лица.
Меѓу демонстрантите е забележан и поранешниот заменик-претседател и хазарејски лидер Карим Халили и уште неколку влијателни лидери на оваа етничка група.
Според демонстрантите, провинцијата била игнорирана во изминатите 14 години.