Десетици илјади лекари во Велика Британија денеска почнаа петдневен штрајк со барање за повисоки плати, па британската здравствена служба (NHS) се соочува со најдолгиот штрајк во историјата.
Помладите лекари, кои се на почетокот на својата кариера, штрајкoт го започнаа во седум часот наутро, а Британската медицинска асоцијација (БМА) и синдикатот на лекарите, побараа зголемување на платите за 35 отсто за да се вратат платите на нивоата од 2008 година, земајќи ја предвид инфлацијата, објави Асошиетед прес.
Во меѓувреме, околу 75.000 помлади лекари во Англија имаат повеќе работа бидејќи листите на чекање пациенти се на рекордно високо ниво по пандемијата на коронавирус.