Сенатот на САД го потврди назначувањето на првиот американски амбасадор во Мјанмар по 22 години.
Од август Дерек Мичел е именуван за специјален претставник на американскиот претседател Барак Обама за Мјанмар, со цел да ги поттикне демократските реформи во земјата.
Лидерот на републиканците во Сенатот Мич О’Конол го поздрави именувањето на Мичел, кое се случи вчера со јавно гласање, истакнувајќи дека неговиот обид ќе биде корисен за регионот. Мичел претходно бил експерт во Пентагон за азиско-тихоокеанскитепрашања.
Зголемувањето на нивото на дипломатски односи е дел од напорите на САД да ја извлечат оваа земја од меѓународна изолација по 50 години авторитарен воен режим. Мјанмар исто така ќе испрати свој амбасадор во Вашингтон.