Демонстрантите во Венецуела ја урнаа статуата на Уго Чавез за време на протестите по претседателските избори на кои актуелниот шеф на државата Николас Мадуро прогласи победа. Како што објави Dailymail, Чавез беше претседател на Венецуела од 1999 до 2013 година, кога почина од рак.
Околу статуата се собра толпа, која набрзо беше соборена на општо задоволство на присутните. Демонстрантите тврдат дека имало сериозни нерегуларности на претседателските избори и дека Мадуро ги украл изборите. Во судирите што избувнаа за време на протестот загинаа три лица.
Националната изборна комисија, која е лојална на владејачката партија, ја потврди победата на Мадуро и неговиот трет шестгодишен мандат во земја чија економија е пред колапс и чии жители се очајни за промени.
На објавувањето на победата, Мадуро собра лојални соработници, меѓу кои и министрите за одбрана, комуникации и шефот на националното собрание.