Поголемиот дел од руските војници кои беа на обука во Белорусија се преместени во други области и веќе нема доволно сили во областа за да започнат постојана офанзива, изјави украински пограничен претставник.
„Русија ја нема потребната ударна група на територијата на Белорусија која би била подготвена и способна да ја нападне територијата на Украина“, изјави Андриј Демеченко, портпарол на украинската државна гранична служба, пренесе Си-Ен-Ен.
Во овој момент, Русија ги повлече речиси сите свои единици кои беа обучени и ја завршија својата ротација. Сепак, таму не беа распоредени нови единици. Русија, наводно, преселила војници од Белорусија на нејзиниот североисточен фронт во Украина, која неодамна објави дека ќе ја зајакне одбраната околу нејзината северна граница.