Американскиот претседател Доналд Трамп им нареди на командантите на специјалните сили да развијат план за инвазија на Гренланд, објави британскиот „Дејли меил“.
Политичките јастреби околу американскиот претседател, по успехот на Вашингтон во воената операција во Венецуела на 3 јануари, во која беа заробени претседателот Николас Мадуро и неговата сопруга, сакаат брзо да дејствуваат за да го освојат островот пред Русија или Кина да преземат некаков потег, се вели во извештајот.
Според извештајот, Трамп ѝ наредил на Заедничката команда за специјални операции (JSOC) да развијат план за инвазија, но началниците на американските генералштабови се противат на овој потег, тврдејќи дека тоа би било нелегално и нема да има поддршка од Конгресот.
Тимот за преземање на Гренланд наводно го предводи Стивен Милер, еден од најрадикалните членови на кабинетот на Трамп.
Во петокот, лидерите на политичките партии во Гренланд изјавија дека „не сакаат да бидат Американци, не сакаат да бидат Данци, туку сакаат да бидат Гренланѓани“.