Во близина на главната железничка станица во Берлин е деактивирана советска бомба тешка 100 килограми. Во Германија постојат десетици илјади неексплодирани бомби од Втората светска војна.
Советската бомба е деактивирана, откако возовите свртеле на друга станица, а накратко бил запрен и главниот градски аеродром.
Бомбата во вторник вечерта била пронајдена на градилиште, во една населба во градот, во близина на некогашната граница помеѓу Источниот и Западниот Берлин.
Експертите одлучиле бомбата да ја деактивираат на местото каде што ја пронашле, поради што биле евакуирани 150 лица, а пеесетина возови биле упатени на друга станица.
Елена Георгиевска