Данскиот министер за надворешни работи Вили Соундал денеска ќе пристигне во тридневна посета на Турција по покана од турскиот колега Ахмет Давутоглу.
Турското МНР соопшти дека за време на посетата ќе бидат разгледани билатералните односи, процесот за членство на Турција во ЕУ и економската криза во Европа.
Турскиот претседател Абдула Ѓул исто така ќе има средба со данскиот министер за надворешни работи. По средбите во Анкара, Соундал ќе посети камп на сириски бегалци во округот Газиантеп во јужна Турција.