Данските власти денеска го означија како закана „антивладиниот екстремизам“ поврзан со пандемијата на коронавирусот.
Агенцијата за внатрешна безбедност (ПЕТ) во својата годишна проценка наведе дека тој вид екстремизам ја прави ситуацијата посложена, иако не претставува „значајна движечка сила за терористичка закана“ во земјата.
ПЕТ соопшти дека заканата, која изразува потреба од употреба на насилство врз избраните претставници, настанала во врска со пандемијата на коронавирусот.
Шефот на ПЕТ центарот за анализа на заканата од тероризам против данските интереси во странство, Мајкл Хаман, рече дека жестоките критики на владата поради нејзиниот однос кон пандемијата во повеќето случаи биле мирни. Хаман додаде дека заканата од антивладин екстремизам е со „ограничено ниво“.
Извор: МИА